Deklarata e Thirrësve muslimanë

Lavdi i takon vetëm All-llahut, bekimet qofshin për zotërinë tonë

Muhammedin sal-lallahu alejhi vessel-lem

 

Guximi që u mor (nga gazeta daneze Jyllands –Posten), e cila botoi disa karikatura fyese ndaj Pejgamberit Muhammedit alejhis-selam), është krim dhe cënim që prek gjërat e shenjta të Ummetit (popullit islam), prandaj edhe një gjë e tillë është e papranueshme. Njëkohësisht një gjë e tillë është edhe rrënim i raporteve ndërnjerëzore  "... ju bëmë popuj e fise që të njiheni ..." (Huxhurat, 13).

  

1. Ne shtrëngojmë duart e Umetit dhe me gjithë forcën tonë i përkrahim ato që u çuan në këmbë për t’i dalur në ndihmë Pejgamberit të All-llahut, bekimet e Tij qofshin për të, ku me këtë vërtetohet se ky Umet (popull) është i ende gjallë. E gjithë kjo ndihmë le të jetë pasqyrë që tregon hapjen e rrugës së tij, bekimet e All-llahut qofshin për të, gjatë sjelljeve dhe veprimeve të umetit..

2. I bëjmë thirrje qeverisë dhe popullit të Danimarkës që t’u përgjigjen zërave të drejtë e të arsyeshëm që dolën nga shoqëria islame, t'i kërkojë asaj falje, të dënojë këtë padrejtësi e cënim që Danimarka si shtet të mos mbetet e izoluar dhe e veçuar nga shoqëria ndërkombëtare, ku brenda kufijve të lirive është edhe moscënimi  i vlerave  të shenjta, ndalimi i nxitjes së urrejtjes fetare e racore.

Njëkohësisht u bëjmë thirrje edhe shteteve, të cilat e kanë përkrahur këtë padrejtësi, ku dihet se sot nuk ka ndonjë shoqëri që të miratojë lirinë e papërgjegjshme, pa i vendosur kësaj lirie norma  e principe, të cilat ndalojnë dëmtimin e të tjerëve, edhepse këto shoqëri kanë diferenca në këto norma.

3. Ne vërtetojmë se liria e mendimit është e garantuar në fenë tonë të pastër për atë person, i cili dëshiron sqarim apo dëshiron të diskutojë, me kusht të mos jetë fyese. "... dhe polemizo me ata (kundërshtarët) me atë mënyrë që është më e mira." (Nahl, 125) Kjo është një vlerë për të cilën janë marrë vesh të gjithë njerëzit e mençur dhe kjo është edhe ajo që e kanë theksuar edhe marrëveshtjet e të drejtave të njeriut.

4. Me gjithë këtë ne thirrësat muslimanët u përmbahemi normave të Sheriatit dhe refuzojmë kthimin e fyerjes me fyerje, gjë të cilën e ndalon sheriati si thyerje të marrëveshjeve dhe konventave të respektuara, apo të sulmohen e të dëmtohen ambasadat, apo të sulmohen njerëzit e siguruar dhe gjëra të ngjashme e jo të volitshme, të cilat mund të deformojnë drejtësinë e kërkesave tona, ose të shkaktojnë izolimin tonë që të mos u drejtohemi botës. Pra, ndihma jonë për Muhamedin sal-lall-llahu alejhi vesel-lem nuk bëhet duke kundërshtuar Sheriatin e tij.

5. Ne këtu vlerësojmë qëndrimet e matura, të cilat dolën nga disa autoritete fetare, duke e refuzuar këtë padrejtësi të turpshme, gjë që tregon dhe vërteton se jomuslimanët në vendet tona dhe jashtë, nuk janë fajtorë për këtë punë të keqe. Gjegjësisht për këtë padrejtësi që i është Pejgamberit të All-llahut, bekimet e All-llahut qofshin për të. Këtë e themi duke u bazuar në fjalën e All-llahut: "... Askush nuk do të mbartë barrën e tjetrit." (En'am, 164), dhe ajeti: "A mund të jetë shpërblimi i veprës së mirë diçka tjetër, pos të mirës." (Rahman, 60).

6. Po ashtu kërkojmë nga Konferenca Islamike, nga shtetet tona dhe nga shoqëria ndërkombëtare që të punojnë për të përgatitur një vendim që do t’i propozohet Organizatës së Kombeve të Bashkuara ku të theksohet ndalimi e dënimi i atij që sulmon e fyen Pejgamberin e All-llahut, Muhammedin, apo Isain, apo Musain madje të gjithë pejgamberët e All-llahut, bekimet e All-llahut qofshin për të gjithë ato.

7. Ne këtu i kujtojmë Umetit (popullit islam) domosdoshmërinë për të ngjallur moralin dhe udhëzimet e tij të larta dhe të mos jetë ngritja e tyre për të ndihmuar Pejgamberin, vetëm një reagim, i cili mbaron me mbylljen e ngjarjes, por kjo duhet të jetë e gjallë me jetën e Umetit.

8. Po ashtu vërtetojmë se detyra jonë sot është është që ne të kalojm në fazën e dialogut dhe ta njohim botën me Pejgamberin tonë, bekimet e All-llahut qofshin për të, duke publikuar moralin dhe vetitë e tij, si gojarisht po ashtu edhe me shkrim, dhe para gjithë kësaj sjelljen dhe veprimet e tij. Po ashtu edhe institute të caktuara dhe njerëz të aftë të ndërmarrin detyrën e tyre në përkrahje të kësaj nisme që theksuam më parë.

Lusim All-llahun të jemi sa më të suksesshëm në atë që All-llahu dhe Pejgamberi i tij është i kënaqur.

Ves-selamu alejkum verahmetullahi veberakatuhu

Paqa, bekimet, mëshira  e All-llahut qofshin për ju!.